ირანის პრეზიდენტი მაჰმუდ აჰმადინეჯადი ვაშინგტონში ისრაელსა და პალესტინას შორის გამართულ პირდაპირ მოლაპარაკებებს ეხმაურება და მათ "მკვდრადშობილს და წარუმატებლობისთვის განწირულს" უწოდებს. ინფორმაციას ამის შესახებ "ფრანს-პრესი" ავრცელებს.
მოლაპარაკებებზე ისრაელის დელეგაციას ამ ქვეყნის პრემიერ-მინისტრი ბენიამინ ნეთანიაჰუ, ხოლო პალესტინის დელეგაციას პალესტინის ნაციონალური ადმინისტრაციის ლიდერი მაჰმუდ აბასი ხელმძღვანელობდნენ.
"ვის წარმოადგენენ ისინი? რაზე უნდათ მოილაპარაკონ? ვინ მისცა მათ უფლება, გაყიდონ თუნდაც ერთი გოჯი პალესტინური მიწისა?" _ აცხადებს აჰმადინეჯადი.
შეგახსენებთ, რომ პალესტინასა და ისრაელს შორის ვაშინგტონში გამართული პირდაპირი მოლაპარაკებების პირველი რაუნდი დღეს დასრულდა. მხარეები შეთანხმებდნენ, რომ ექნებოდათ მცდელობა მშვიდობის შესახებ ჩარჩო ხელშეკრულების შემუშავებისა. შეთანხმდნენ ასევე, რომ გამართავენ კიდევ ერთ შეხვედრას მიმდინარე თვის შუა რიცხვებში. რამდენიმესაათიან პირდაპირ მოლაპარაკებებს პალესტინასა და ისრაელს შორის პროდუქტიულად შეფასდა. მოლაპარაკებებს ასვე ესწრებოდა აშშ-ის სახელმწიფო მდივანი ჰილარი კლინტონი.
მოლაპარაკებათა მორიგი, მეორე რაუნდის გამართვა 14-15 სექტემბერს იგეგმება. იგი ახლო აღმოსავლეთში გაიმართება, სავარაუდოდ, ეგვიპტის საკურორტო ქალაქ შარმ-ეშ-შეიხში, წითელ ზღვაზე.
