ბელორუსის ლიბერალ-დემოკრატიული პარტია რუსეთის მიერ ოკუპირებული საქართველოს რეგიონების აფხაზეთისა და ცხინვალის რეგიონის ე.წ დამოუკიდებლობის აღიარებას მოითხოვს. წერილი-თხოვნა სადაც აღნიშნული მოთხოვნაა ჩამოყალიბებული ბელორუსმა ლიბერალ-დემოკრატებმა რუსეთის დუმაში უკვე გააგზავნეს.
"რუსეთის სახელმწიფო დუმაში გამართული მრგვალი მაგიდის - "სამხრეთ ოსეთი და აფხაზეთი: სახელმწიფოებრიობის მშენებლობა და რუსეთის ფედერაციასთან ურთიერთობების განვითარების პერსპექტივები" დასრულების შემდეგ რუსეთის სტუდენტთა პროფკავშირების პრეზიდენტის, სამხრეთ ოსეთის პრეზიდენტის მრჩევლის ალექსეი კაზაკის სახელზე ბელორუსის ლიბერალ-დემოკრატიული პარტიის პრესსამსახურის ხელმძღვანელის ნ.ტ. გოლობოვას მიერ ხელმოწერილი წერილი შევიდა, რომელშიც დადასტურებული იყო პარტიის პოზიცია ბელორუსის მიერ აფხაზეთისა და სამხრეთ ოსეთის დამოუკიდებლობის უსწრაფესი აღიარების აუცილებლობის შესახებ", _ იუწყება ოსური მედია.
