შემოსავლების სამსახურის უფროსი გიორი ცახაკია საბაჟოზე სასკოლო სახელმძღვანელოების განგებ დაკავების ფაქტს არ ადასტურებს. როგორც გიორგი ცხაკაიამ სააგენტო "ჯი_ეიჩ-ენთან" საუბრისას განმარტა, საბაჟო სამსახური სასკოლო წიგნების "დაკავებას" განგებ არ ახორციელებს.
"ყველა საბაჟოზე რისკის მართვის სისტემა მოქმედებს და ნებისმერი პროდუქციის განბაჟება ხდება კანონმდებლობის დაცვით. წინასწარ ხდება პროდუქციის დადეკლარირება და თუ რისკის მართვის სისტემამ რაიმე საეჭვო დააფიქსირა, მაშინ ჩვენ კანონმდებლობის დაცვით ვახდენთ პროდუქციის გადამოწმებას", _ განაცხადა ცხაკაიამ.
შეგახსენებთ, რომ დღეს ქრისტიან-დემოკრატებმა საბაჟოზე სასკოლო ნივთების გაჩერების ფაქტი გააპროტესტეს და მიმდინარე პროცესები სასკოლო ნივთების ბაზარზე ახალი მონიპოლისტის გაჩენას დაუკავშირეს.
ისინი აღნიშნულთან დაკავშირებით შესაბამის პასუხს ფინანსთა მინისტრისგან ითხოვენ.
ქრისტიან-დემოკრატების წარმომადგენელი გიორგი ახვლედიანი სიღარიბის ზღვარს ქვემოთ მყოფი მოსახლეობისათვის სასკოლო წიგნების უფასოდ დარიგებას გამოეხმაურა და აღნიშნა, რომ ეს სწორედ ქრისტიან-დემოკრატების დაჟინებული მოთხოვნის შედეგად იქნა მიღწეული. თუმცა ახვლედიანი აქცენტს აკეთებს იმაზე, რომ სწავლისთვის ბავშვებს სახელმძღვანელოების გარდა სხვა სასკოლო ნივთებისც ესაჭიროებათ და შიშობს, რომ "ვიღაცეებს ამ სფეროში მონოპოლიის შექმნა სურთ". ქრისტიან-დემოკრატები ამ დასკვნამდე მივიდნენ იმის გამო, რომ გიორგი ახვლედიანის თქმით, იმპორტირებული სასკოლო ნივთები დაახლოებით ასობით ტონა საქონელი გაჩერებულია საბაჟოზე.
"ჩვენ ამ ფაქტს, ხელისუფლების მხრიდან მცირე ბიზნესის წინააღმდეგ მიმართულ ნაბიჯად ვაფასებთ ვინაიდან ამ ქმედებამ უკვე გამოიწვია ის რომ სასკოლო ინვენტარის ბაზარზე შეიქმნა დეფიციტი და ის მცირე რაოდენობის პროდუქცია, რომელიც დახლებზე შემორჩა გაორმაგებული და გასამმაგებული ფასით იყიდება", - აცახდებს გიორგი ახვლედიანი და აღნიშნავს, რომ ეს ოჯახებისათვის არის დამატებითი პრობლემა, რადგან სასუსრათო პროდუქტებზე ფასი ბოლო პერიოდში ისედაც გაორმაგებულია.
იმის გამო, რომ სასკოლო ინვენტარზე ფასი გასამმაგდა და ამ დროს საბაჟოზე უმიზეზოდ გაჩერებულია შემოტანილი პროდუქცია, ქრისტიან- დემოკრატები ეჭვობენ, რომ ხელისუფლება სასკოლო ინვენტარის ბაზაზე ახალ მონოპოლისტს ამზადებს.
ქრისტიან- დემოკრატების ვარაუდით, მას შემდეგ რაც მცირე ბიზნესის ამ სფეროში დასაქმებული წარმომადგენლები ხელოვნურად შექმნილ წნეხს ვერ გაუძლებენ და გაკოტრდებიან, მთელი ბაზარი სწორედ ამ მონოპოლისტის ხელში გადავა. მას კი არც კონკურენტი ეყოლება და "50 თეთრიანი კალმისტარის 5 ლარას გაყიდვისთისაც პასუხს არავინ მოთხოვს".
ქრისტიან-დემოკრატები მიიჩნევენ, რომ აღნიშნულ ფაქტზე დროულად უნდა მოხდეს რეაგირება და ფინანსთა სამინისტროსგან ახსნა-განმარტებებს დაუყონებლივ ითხოვენ. ამისთვის კი ქრისტიან-დემოკრატები უახლოეს დღეებში ფრაქციის სხდომას გამართავენ სადაც ფინანსთა მინისტრს კახა ბაინდურაშვილს დაიბარებენ.
