დღეს, 1 სექტემბერს, ეკონომიკისა და მდგრადი განვითარების სამინისტროში გამართულ საპრივატიზაციო აუქციონზე სახელმწიფო საკუთრებაში არსებული 2 ობიექტი გაიყიდა. გასაყიდად გამოტანილ ორივე ქონებაზე თითო განაცხადი იყო წარმოდგენილი.
15 000 000 აშშ დოლარად გაიყიდა ქ. ბათუმში, თამარის დასახლებაში, ბათუმის ნავთობგადამამუშავებელი ქარხნის ტერიტორიაზე მდებარე შენობა-ნაგებობები, მათზე დამაგრებული მიწის ნაკვეთები და იქ განთავსებული უძრავი და მოძრავი ქონება. ობიექტის ახალი მფლობელი შპს '' ბათუმი პეტროლიუმი'' გახდა.
65 000 აშშ დოლარად გაიყიდა თბილისში, ილია ჭავჭავაძის გამზირი #49ბ-ში მდებარე 192 კვ.მ. ფართი მასზე დამაგრებული მიწის ნაკვეთით. მყიდველი - ფიზიკური პირი (ამბროლაძე).