2010 წლის სექტემბრიდან შინაგან საქმეთა სამინისტროს სამხარეო დანაყოფების 30 ტერიტორიული გამნყოფილება ფუნქციონირებას ახალ აშენებულ გამჭვირვალე ოფისებში გააგრძელებს. დღეს ქვემო ქართლის სამი - კოდის, კაჩაგანისა და შულავერის განყოფლებების ახალ აშენებული შენობა გაიხსნა.
პოლიციელები მუშაობას კომფორტულ და თანამედროვე ტექნიკით აღჭურვილ ოფისებში გააგრძელებენ. შენობის გახსნას ესწრებოდნენ შინაგან საქმეთა მინისტრი ბატონი ივანე მერაბიშვილი და პრეზიდენტის რწმუნებული ქვემო ქართლის რეგიონში ბატონი დავით კირკიტაძე.
სექტემბრის თვეშივე მცხეთა-მთიანეთის, შიდა ქართლის, სამცხე-ჯავახეთის, კახეთის, იმერეთისა და გურია-სამეგრელოს განყოფილებებიც გაიხსნება. პროექტი შინაგან საქმეთა სამინისტროს ინფრასტრუქტურის განვითარების ნაწილია, რომელიც მიზნად ისახავს პირველადი დანაყოფების თანამშრომლების სამუშაო პირობებისა და მოსახლეობისათვის დახმარების გაწევის გაუმჯობესებას.
