საქართველოს პრემიერ-მინისტრი 6 თვის ეკონომიკური მაჩვენებლებით კმაყოფილია და აცხადებს, რომ ეკონომიკური ზრდის ტემპი ქვეყანაში არ შეჩერებულა.
"6 თვეში იყო ზრდა როგორც მშპ-ში ასევე ექსპორტის მიმართულებითაც. ზრდა იყო ინდუსტრის ყველა დარგში. კლება დაფიქსირდა მხოლოდ პირდაპირი უცხოური ინვესტიციების მიმართულებით, რაც ჩანაცვლებული იყო დონორთა მიერ გამოყოფილი თანხებით", - განაცხადა პორემიერ მინისტრმა.
გილაურის თქმით, 2010 წლის პირველ კვარტალში უცხოურმა შემოდინებებმა ჯამში 78 მილიონი დოლარი შეადგინა, რაც საკმაოდ გაიზარდა მეორე კვარტალში.
პრემიერ-მინისტრის განცხადებით, მეორე კვარტალში ქვეყანაში უცხოურმა შემოდინებებმა 196 მილიონი დოლარი შეადგინა და საერთო ჯამში ორი კვარტლის მონაცემებით ქვეყანაში 280 მილიონი დოლარს უცხოური შემოდინებებია დაფიქსირებული.
"6 თვის მაჩვენებლები არის პოზიტიური და ზრდა სახეზეა და ეს ზრდა მესამე და მეოთხე კვარტლებშიც შენარჩუნდება" - განაცხადა ნიკა გილაურმა.
