საქართველო წლის ბოლომდე უკრაინიდან 150 ათას ტონა ხორბალს მიიღებს. ამის შესახებ უკრაინაში საქართველოს ელჩმა გიორგი ქათამაძემ ავალბრის რეზიდენციაში საქართველოს პრეზიდენტის მიხეილ სააკაშვილის, პრემიერ-მინისტრის ნიკა გილაურის და სოფლის მეურნეობის მინისტრის ბაკურ კვეზერელის შეხვედრაზე კიევიდან ვიდეო-ხიდით ჩართვის დროს განაცხადა.
ქათამაძის თქმით, მიუხედავად იმისა, რომ წელს უკრაინაში ხორბლის მოსავლიანობა ნაკლბი იყო, რის გამოც უკრაინის მთავრობა ხორბლის იმპორტის შეჩერებას გეგმავს, მოლაპარაკებების შედეგად მაინც მოხერხდა, რომ უკრაინული მხარე საქართველოში ხორბლის გაზავნაზე თანხმობა გამოთქვა.
ამასთან, ელჩის ინფორმაციით, ხორბლის ფასი უკრაინაში 50%-ით გაიზარდა და ამ დროისთვის დაახლოებით, 250-300 დოლარს შეადგენს, თუმცა რეალური ფასი საქართველოს მთავრობის წარმომადგენლების უკრაინაში ჩასვლისა და მილაპარაკებების შედეგად დადგინდება.
საქართველოსPპრეზიდენტმა კი ელჩებს ქვეყნების მთავრობებთან მუდმივი კონტაქტი დაავალა, რათა საქართველოში ხორბლის ექსპორტს ხელი არ შეეშალოს.
"თითოეული ქართველის კეთილდღეობა თქვენს კარგს მუშაობაზეა დამოკიდებული", - აღნიშნა სააკაშვილმა.