საქართვლოს პრეზიდენტის, პრემიერ-მინისტრისა და სოფლის მეურნეობის მინისტრის შეხვედრაზე რამოდენიმე გუბერნატორი ონლაინრეჟიმში ჩაერთო და პრეზიდენტს რეგიონში არსებული ვითარება გააცნო.
ქვემო ქართლის გუბერნატორის, დავით კირკიტაძის განცხადებით მარნეულში ხორბლის მოყვანის პოტენციალი არსებობს.
"ამერიკული სათესლე ხორბალი დათესილია მარნეულში. სოფლის მეურნეობის სამინისტროს წარმომადგენლებთან ერთად შევხვდით ფერმერებს და ავუხსენით თუ რამდენად კარგია ასეთი ხორბლის დათესვა. ქვემო ქართლში ხორბალი 6 ათას ჰექტარზე ითესება და ჰექტარზე 1,7 ათას ტონა მოსავალს ვიღებთ, თუმცა პოტენციალი მეტია. თუ ფერმერები შემოთავაზებას მიიღებენ და ამერიკულ ხორბალს დათესავენ მოსავალი უფრო გაიზრდება", _ განაცხადა დავით კირკიტაძემ.
პრეზიდენტი ბოლო პერიოდში ფასების ზრდითა და ხორბალზე წარმოქმნილი დეფიციტით დაინტერესდა და ნიკა გილაურისაგან და ბაკურ კვეზერელისგან ფასების ზრდის ტემპის შეჩერების და ქვეყანაში ადგილობრივი ხორბლის მოსავლის ზრდის გეგმები მოისმინა.
კახეთის გუბერნატორის გიორგი ღვინიაშვილის განცხადებით, "დღეისათვის კახეთში ფქვილის ფასი 50-51 ლარია, ხორბალი წელს 36 ათას ჰექრატზე იყო დათესილი და მოსავალი 38 ათასი ტონა მივიღეთ. თუმცა ეს საკმარისი არ არის. Mმოსავლის სიმცირე გამომწვევია უხარისხო თესლით და გვალვებით. მივესალმებით სოფლის მეურნეობის სამინისტროს ინიციატივას რომელიც ფერმერებისათვის 1-წლიანი განვადებით თესლის შემოტანას ითვალისწინებს".
