როგორ გააქვთ 4 მილიონი ნაღდი ფული ბანკიდან - ტელეკომპანია "რუსთავი 2"-მა ახალი ფოტომასალა მოიპოვა, რომელიც "თიბისი ბანკის" ცენტრალური ფილიალშია გადაღებული.
მათი მტკიცებით, ფოტოზე ჩანს სპორტის ყოფილი მინისტრი, ლევან ყიფიანი, რომელიც ბანკის მისაღებში იმყოფება, სწორედ იმ დღეს როცა ბანკიდან ოქუაშვილის გადარიცხული 4 მლნ გაიტანეს.
"პირი, რომელიც ბანკში ლევან ყიფიანთან ერთად არის, მოგვიანებით ჩნდება იმ შავ მანქანასთან, რომელიც ბანკის შესასვლელთანაა გაჩერებული და რომლითაც ფული უნდა წაიღონ. "კურიერის" ინფორმაციით, ეს პირი, რომელიც სპორტის ყოფილ მინისტრთან ერთადაა ასახული და სავარაუდოდ თანხის გატანის ოპერაციას კურირებდა და ის კომპანია "ოლიმპუსის" დირექტორი ალექსანდრე ხაჩიშვილია.
კომპანია ოფშორშია რეგისტრირებული. სავარაუდოდ "ომეგა ჯგუფის" ხელმძღვანელმა, ბიძინა ივანიშვილის მიერ მოთხოვნილი თანხა, აღნიშნული კომპანიის ანგარიშზე გადარიცხა", - წერს "რუსთავი 2".
