საქართველოს მეცხოველეობის სექტორში გასულ წელთან შედარებით მნიშვნელოვანი შემცირებები აღინიშნება.
2010 წლის 1-ლი ივლისის მდგომარეობით, საქართველოში 1 მლნ. 113 ათას 400 სული მსხვილფეხა რქოსანი პირუტყვია აღრიცხული, რაც გასული წლის ანალოგიურ პერიოდთან შედარებით, 20 ათასი სულით ნაკლებია.
კლება შეინიშნება ყველა სახეობაში. ერთი წლის განმავლობაში ქვეყანაში 3400 სულით შემცირდა ფურუისა და ფურკამეჩის სულადობა.
მნიშვნელოვანი კლება ფიქსირდება მეღორეობის სექტორში. თუ გასული წლის 1-ლი ივლისის მდგომარეობით ქვეყანაში 171,3 ათასი სული ღორი იყო აღრიცხული, ამ მაჩვენებელმა 2010 წლის 1-ლი ივლისისათვის 128 ათასი შეადგინა, რაც გასულ წელთან შედარებით 43,3 ათასი სულითაა შემცირებული.
ასევე სულადობის კლება დაფიქსირდა ცხვრისა და თხის რაოენობის მიმართულებითაც. 2010 წლიოს პირველი 1-ლი ივლისის მდგომარეობით 889,5 ათასი სულია აღრიცხული, ხოლო "საქსტატის" ინფორმაციით, გასულ წელს აღრიცსული იყო 1 მლნ. 70 ათას 200 სული ცხვარი და თხა.
კლების ტენდენციაა ფრინველებშიც. არსებული სტატისტიკური ინფორმაციით, ამჟამად საქართველოში 10 მლნ. 907 ათას 200 ფრთა ფრინველია აღიცხული, რაც გასული წლის ანალოგიურ მაჩვენებელთამნ შედარებით 428,8 ათასი ფრთითაა შემცირებული.
