იტალიის საგარეო საქმეთა სამინისტრომ და საინფორმაციო სააგენტო "Il Sole 24 Ore Radiocor"-მა, თბილისში იტალიის საელჩოსთან თანამშრომლობით, მოამზადეს და საქართველოს მიუძღვნეს სპეციალური ცამეტგვერდიანი დოსიე, რომელიც გამოქვეყნდა ორკვირეულ ბიულეტენში "Diplomazia Economica Italiana" ("იტალიის ეკონომიკური დიპლომატია").
როგორც "ჯი-ეიჩ-ენს" საქართველოში იტალიის საელჩოდან აცნობეს, დოსიე შეიცავს თბილისში იტალიის ელჩის ვიტორიო სანდალის ინტერვიუს საქართველოს ეკონომიკური ტენდენციებისა და ინტერნაციონალიზაციის სტრატეგიის შესახებ, რომელსაც იტალია მხარს უჭერს. აღნიშნული ბიულეტენი მიმართულია იტალიელი მეწარმეებისაკენ, რომლებსაც სურთ გაეცნონ საქართველოში ბიზნესის შესაძლებლობებს.
