1-ლი სექტემბრიდან საგადასახადო კოდექსში შეტანილი ცვლილებები ამოქმედდება და სატელეკომუნიკაციო სფეროს საგადასახადო წნეხი დაუმძიმდება.
საგადასახადო კოდექსში შეტანილი ცვლილებების მიხედვით, სატელეფონო ხმოვანი მომსახურების გაწევა აქციზით დაიბეგრება.
როგორც სააგენტო "ჯი-ეიჩ-ენთან" ფინანსთა სამინისტროში განუცხადეს, წელს აქციზის განაკვეთი 10 პროცენტი იქნება, თუმცა 2010 წელს რეალურად დაბეგვრა 4 %-ი გამოდის, რადგანაც საგადასახადო კოდექსის ეს მუხლი სექტემბრიდან შედის ძალაში და შესაბამისად კომპანიებს მხოლოდ 4 თვის გადასახადის დაფარვა მოუწევთ.
ხოლო რაც შეეხება 2011 წელს, მას შემდეგ რაც ახალი საგადასახადო კოდექსი დამტკიცდება, კოდექსში ჩაიწერაბა, რომ საპროცენტო განაკვეთი 10 %-ის ფარგლებში უნდა იყოს, თუმცა საბოლოო ციფრს თუ რამდენი პროცენტით დაიბეგრება სატელეკომუნიკაციო სფერო ამას მთავრობა განსაზღვრავს.
თავის დროზე როდესაც მთავრობამ სატელეფონო ხმოვანი მომსახურების გაწევა აქციზით დაბეგვრა გადაწყვიტა, არგუმენტად მოიყვანა ის, რომ საკომუნიკაციო სფერო საქართველში ერთ-ერთ ყველაზე მომგებიან დარგია.
