პირველი თვითმფრინავის პილოტი, რომელიც მესტიის აეროპორტში დაეშვება, შესაძლოა, მიხეილ სააკაშვილი იყოს. ასეთი სურვილი პრეზიდენტმა დღეს ეკონომიკისა და მდგრადი განვითარების მინისტრთან და სამხარეო ადმინისტრაციების ხელმძღვანელებთან შეხვედრისას გამოთქვა.
"ჩემი დავალება არის ის რომ წლის ბოლომდე მესტიაში გაიხსნას აეროპორტი და გაიხსნას სათხილამურო სეზონი. მესტიაში სიმდიდრემ შესვლა უკვე დაიწყო და მე, მესტიის ახალ აეროპორტში სიამოვნებით დავსვავ პირველ თვითმფრინავს", _ განაცხადა სააკაშვილმა.
მესტიის აეროპორტის მშენებლობა წლის ბოლომდე დასრულდება, რაც სვანეთში ტურიზმის განვითარებას კიდევ უფრო შეუწყობს ხელს.
