საქართველოს ავიაბაზრით ევროპული ავიაგინატები ინტერესდებიან. საქართველოს პრეზიდენტის მიხეილ სააკაშვილის განცხადებით, ეკონომიკისა და მდგრადი განვითარების სამინისტრომ ამ მიზნით ავიაკომპანია "რაინერსთან" მოლაპარაკებები უკვე დაიწყო.
"ეკონომიკისა და მდგრადი განვითარების მინისტრი ირლანდიაში იმყოფებოდა, სადაც Ryanair-ის ხემძღვანელობას შეხვდა. ეს არის ავიაკომპანია, რომელმაც ტურისტული კლიმატი შექმნა იმ ქვეყნებში სადაც ის ჩავიდა. ის არც ერთ ყოფილი სსრკ ქვეყნებში არ დაფრინავს, მაგრამ ჩვენ გვაქვს მცდელობა, რომ ის საქართველოში შემოვიდეს. Ryanair არ დაფრინავს არც თურქეთში და არც შუა აზიაში", _ განაცხადა მიხეილ სააკაშვილმა.
ეკონომიკისა და მდგრადი განვითარების მინისტრის ვერა ქობალიას განცხადებით, იმისათვის რომ ქართულ ბაზარზე შემოვიდეს, მთავრობას კომპანიის პირობების დაკმაყოფილება მოუწევს.
" Ryanair-ის დიდი ინტერესი აქვს, რომ საქართველოში შემოვიდეს. ჯერ ფრენებს ევროპის მიმართულებით დაიწყებენ და საქართველოში ცენტრალური ჰაბი შეიქმნება. ავიაკომპანია მხოლოდ ევროკავშირის ქვეყნებში დაფრინავს და ეს იქნება პიველი პროცედენტი როდესაც ის საქართვეოში შემოვა და ჩვენიდან დაიწყებს მგზავრების გადაყვანას ევროპის მიმართულებით.
თუმცა Ryanair იმისათვის რომ საქართველოში შემოვიდეს რამოდენიმე მოთხოვმა აქვს. ერთია, ერთიან საჰაერო სივრცის ხელშეკრულებაზე ხელმოწერა და მეორე ის რომ აეროპორტები იყვნენ ამისათვის მზად. ამ მიმართულებით ჩვენ ინტენსიური მუშაობა დავიწყეთ ქუთაისის აეროპორთში, როგორც იცით წლის ბოლომდე მესტიის აეროპორტის მშენებლობაც დასრულდება. რაც შეეხება ერთიან საჰარო სისტემის ხელშეკრულებას აქ სირთუეები გვაქვს, რადგან შესაძლოა საქართველო "შავ სიაში" ჩასვან, რადგანაც საქართველოში ამ მიმართულებით საკმაოდ ლიბერალური კანონმდებლობაა და ავიაკომპანიებს რეგისტრაცია. უადვილდებათ", _ განაცხადა ვერა ქობალიამ.
პრეზიდენტიც აღიარებს, რომ საქართველოში ავიაციის სფერის ლიბერალიზაციამ ქვეყანას უარყოფითი შედეგები მოუტანა და რომ ამ მიმართულებით საქართველომ გარკვეული შეცდომები დაუშვა.
"ჩემი დავალება იქნება, რომ სასწრაფოდ პარლამენტში შევიტანოთ კანონპროექტი, რომელიც საავიაციო უსაფრთხოების სისტემებს გაამკაცრებს. საქართველოში არიან ავიაკომპანიები, რომლებიც ამ სტანდარტებს მკაცრად იცავენ, თუმცა არიან ისეთი ავიაკომპანიებიც, რომლებიც არანიარ სტანდარტებს არ აკმაყოფილებენ. "შავ სიაში" რამოდენიმე პოსტსაბჭოთა ქვეყნა უკვე შესულია და ღმერთმა არ ქნას, რომ საქართველოც მათ რიგებში აღმოჩნდეს", _ განაცხადა მიხეილ სააკაშვილმა.
