სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე სპეციალური ლიცეუმების შექმნის ინიციატივით გამოვიდა და როგორც საკვირაო ქადაგებისას აღნმიშნა ამ საკითხზე განათლებისა და მეცნიერების მინისტრთან შეხვედრასაც გეგმავს.
პატრიარქმა მწუხარება გამოთქვა, რომ 11 000-მდე ახალგაზრდა უმაღლესი სასწავლებლის გარეშე დარჩა.
"ახალგაზრდები გზას რომ არ ასცდნენ, აუცილებელია მათ შეისწავლონ ხელობა, საღვთო წერა. აუცილებელია შეიქმნას ლიცეუმები, სადაც ისწავლიან ახალგაზრდები, იქნებიან მაღალი ინტელექტით განათლებული ადამიანები", - განაცხადა პატრიარქმა.
