თბილისში, რუსთაველის გამზირზე ზაზა სარალიძისა და მალხაზ მაჩალიკაშვილის მხარდამჭერი აქცია იწყება.
ზაზა სარალიძის განცხადებით, მათი მთავარი მოთხოვნა სამართლიანობის აღდგენაა.
„ყველა, ვინც ხელი დააფარა ამ საქმეს, პასუხისგებაში უნდა მიეცეს. კონკრეტულად აქციაზე ვისაუბრებ. დღესაც ხელს აფარებენ მკვლელებს და საქმის გამყალბებლებს. ეს არ არის პოლიტიკოსების აქცია, ეს არის შვილმოკლული მშობლების აქცია. შეუძლიათ შემოგვიერთდნენ როგორც პოლიტიკოსები, თანამოქალაქეები, ძმები, დები. აქციები გაგრძელდება იქამდე, ვიდრე ჩვენი მოთხოვნები არ დაკმაყოფილდება“, – განაცხადა ზაზა სარალიძემ.
