ყველამ თავის სავიზიტო ბარათს რომ მიხედოს, არ იქნება ურიგო, - ასე ეხმაურება საპარლამენტო უმრავლესობის ლიდერი არჩილ თალაკვაძე ოპოზიციის წარმომადგენლების დღევანდელ განცხადებებს.
მისი თქმით, ზოგიერთის სავიზიტო ბარათზე აგვისტოში გაგზავნილი წერილებია რუსეთში ჩასატარებელ კონცერტებზე, ზოგიერთის ბარათზე კი დანა-ჩანგალი.
„სალომე ზურაბიშვილის წინააღმდეგ შავი პიარის აგორებას, სჯობს, საკუთარ კამპანიაზე დახარჯონ მეტი დრო და ენერგია. სალომე ზურაბიშვილს საქართველოდან რუსეთის ბაზების გაყვანაში აქვს განსაკუთრებული დამსახურება. ჩვენი და სალომე ზურაბიშვილის პოზიცია აგვისტოს ომზე ცალსახაა - აგრესორი არის რუსეთი. საქართველო გააგრძელებს განვითარებას და წინსვლას, ჩვენ გვაქვს ბევრი საქმე შემოდგომაზე, მათ შორის არჩევნების სამართლიან და თავისუფალ გარემოში ჩატარება“, - განაცხადა თალაკვაძემ.
ცნობისთვის, "ევროპული საქართველოს" წევრის სერგო რატიანის განცხადებით, ის, რომ 2008 წელს საქართველომ დაიწყო ომი, დღეიდან ხდება „ქართული ოცნების" სავიზიტო ბარათი.
