საკრებულოს უმრავლესობის წევრი კოკი იონათამაშვილი დევნილების საკითხთან დაკავშირებით საკრებულოს ოპოზიციონერ წევრებს ერთობლივ მუშაობას სთხოვს. როგორც იონათამაშვილმა საკრებულოს სხდომაზე განაცხადა, უმრავლესობის წევრებსა და ოპოზიციის წარმომადგენლებს შესაძლოა დევნილებთან დაკავშირებით სხვადასხვა ინფორმაცია ჰქონდეთ.
იონათამაშვილის განცხადებით, მან დევნილთა განსახლებისა და ლტოლვილთა სამინისტროდან მიიღო ინფორმაცია, რომ აქციებში მონაწილეობს ბევრი ისეთი დევნილი, რომელთაც კომპენსაცია აქვთ მიღებული, ასევე ისეთებიც, ვინც საერთოდ არაა დევნილი ან უკვე აქვთ საცხოვრებელი ფართი. იონათამიშვილს მიაჩნია, რომ პრობლემის გადასაჭრელად უმჯობესია, ოპოზიციამ და უმრავლესობამ ერთად გაიაროს საკითხი დეტალურად და პრობლემაც ისე გადაწყვიტონ.
