აჭარის სოფლის მეურნეობის მინისტრი ემზარ ძირკვაძე დღეს ექსპორტიორებს შეხვდა. ციტრუსის სეზონის დაწყებამდე ერთი თვით ადრე ტრადიციული მუშა შეხვედრა გაიმართა.
მინისტრმა ექსპორტიორებს ის სიახლეები გააცნო, რომლებიც წელს შევა ძალაში. წელს წარმოშობის სერთიფიკატს ის გადამზიდავი კომპანიები მიიღებენ, რომლებიც კარგი ხარისხის ციტრუსის გატანაზე იზრუნებენ. მინისტრის განცხადებით, "იმისათვის რომ თანამედროვე ბაზრის მოთხოვნები დავაკმაყოფილოთ, საჭიროა დავიცვათ სტანდარტები".
მთავრობის წარმომადგენებისა და ექსპორიორების მორიგი შეხვედრა სექტემბრის ბოლოს გაიმართება, რომელსაც ექსპორტიორების გარდა, სავაჭრო სამრეწველო პალატის, რკინიგზისა და პორტის წარმომადგენლები დაესწრებიან.
