ტურიზმისა და კურორტების დეპარტამენტის ახალი თავმჯდომარე სვანეთს ესტუმრა. ვიზიტის მიზანი ტურისტული ინფრასტრუქტურის გასაუმჯობესებლად მიმდინარე სამუშაოების დათვალიერება იყო.
მაია სიდამონიძემ სხვა რამდენიმე პროექტთან ერთად მესტიის აეროპორტში მიმდინარე სამუშოები დაათვალიერა. ტურიზმისა და კურორტების დეპარტამენტის თავჯდომარე ვიზიტის ფარგლებში შეხვდა მესტიის გამგებელს, ტურიზმის სექტორში დასაქმებულ ადგილობრივ მოსახლეობას და მათგან პირადად მოისმინა ინფორმაცია რეგიონში ტურიზმის განვითარების კუთხით არსებული მდგომარეობის შესახებ.
შეხვედრაზე განხილულ იქნა სვანეთის ტურისტული პოტენციალის და მისი პერსპექტივების მაქსიმალურად გამოყენების საკითხები.
მაია სიდამონიძე მესტიაში ვერტმფრენით ჩავიდა, მასთან ერთად სვანეთს მედიატურის ფარგლებში საქართველოში მყოფი უცხოელი ჟურნალისტებიც ესტუმრნენ, ისინი საქართველოს შესახებ მასალებს რამდენიმე ევროპული გამოცემის გარდა ამერიკისა და ავსტრალიის პრესისთვისაც მოამზადებენ.
მათ ტურიზმისა და კურორტების დეპარტამენტის ხელმძღვანელთან ერთად მესტიის მუზეუმი და სხვა ადგილობრივი ღირშესანიშნაობები დაათვალიერეს.
როგორც მაია სიდამონიძემ აღნიშნა, სვანეთში ახალი ტურისტული პროექტის ამოქმედებით, რომელიც სამთო-სათხილამურო ტრასების მთელი წლის განმავლობაში ფუნქციონირებას ითვალისწინებს, რეგიონში ტურისტების რიცხვი რამდენჯერმე გაიზრდება.
