უზენაესი სასამართლოს თავმჯდომარის შერჩევის პროცესში მიღებულ შედეგზე პასუხისმგებლობა არა მხოლოდ პრეზიდენტს, არამედ რამდენიმე სახელმწიფო ინსტიტუტს აქვს, მათ შორის საქართველოს პარლამენტს, - ამის შესახებ იუსტიციის უმაღლესი საბჭოს არამოსამართლეწევრმა ანა დოლიძემ განაცხადა.
მისი თქმით, უზენაესი სასამართლოს თავმჯდომარე, რომელიც არის რეალურად სასამართლოს სიმბოლო და თან სახელმწიფოებრიობის სიმბოლო, არ არის მხოლოდ და მხოლოდ პრეზიდენტის პასუხისმგებლობა.
„არაერთხელ გამოვხატე წუხილი, რომ ეს პროცესი შედეგამდე არ მივიდა, თუმცა ვფიქრობ, პასუხისმგებლობა ამ შედეგზე ნაწილდება არაერთ ჯგუფს შორის, რადგან უზენაესი სასამართლოს თავმჯდომარე, რომელიც არის რეალურად სასამართლოს სიმბოლო და თან სახელმწიფოებრიობის სიმბოლო, არ არის მხოლოდ და მხოლოდ პრეზიდენტის პასუხისმგებლობა. ეს არის ბევრი სახელმწიფო ინსტიტუტის პასუხისმგებლობა, მათ შორის საქართველოს პარლამენტის“,- განაცხადა ანა დოლიძემ.
მისივე განცხადებით, ის აღნიშნულთან დაკავშირებით სპეციალური პროექტის შემუშავებას გეგმავს, რომელსაც მალე გაასაჯაროებს.
