სკოლებში არიან ჩვეულებრივი ბულერები, რომლებიც მუდმივად ჩაგრავენ სკოლის სხვა მოსწავლეებს და ამ პირების მიმართ ადმინისტრაცია ვერ ახერხებს ეფექტური, პრევენციული ზომების გატარებას, - ამის შესახებ ხორავას ქუჩაზე მომხდარ მკვლელობასთან დაკავშირებით შექმნილ საგამოძიებო კომისიაზე, კომისიის წევრმა ოთარ კახიძემ განაცხადა.
მისი თქმით, ყოველივე ეს მთლიანად ხელს უშლის სასწავლო პროცესს და მეორეს მხრივ კი სკოლაში მყოფი წესიერი მოსწავლეებისთვის საშინელ დისკომფორტს წარმოადგენს.
„სკოლებში არიან ჩვეულებრივი ბულერები, რომლებიც მუდმივად ჩაგრავენ სკოლის სხვა მოსწავლეებს და ამ პირების მიმართ ადმინისტრაცია ვერ ახერხებს ეფექტური, პრევენციული ზომების გატარებას, რათა ამგვარი შემთხვევები აღარ განმეორდეს. ყოველივე ეს მთლიანად ხელს უშლის სასწავლო პროცესს და მეორეს მხრივ კი სკოლაში მყოფი წესიერი მოსწავლეებისთვის საშინელ დისკომფორტს წარმოადგენს. როდესაც სახელმწიფო, ამ შემთხვევაში სკოლა, მანდატურები, რეაგირებას ვერ ახდენენ, ქმნის განცდას, რომ არაფერს აზრი არ აქვს, ამ მდგომარეობას უნდა შევეგუოთ და ეს არის ნორმა. ჩვენ სერიოზული ზომები გვაქვს მისაღები, ამ სიტუაციის შესაცვლელად, რომ სკოლაში არსებობდეს რეალური ბერკეტები, რათა ჩაგვრას და ბულინგს არ ჰქონდეს დამკვიდრებული პრაქტიკის სახე“, - განაცხადა ოთარ კახიძემ.
