მე ხელთ მაქვს ორი დოკუმენტი, ეს არის არაკომპეტენტური, ე.წ. დასკვნა, რომელიც დაცლილია ყოველგვარი დასაბუთებული სამართლებრივი მსჯელობისგან და ანალიტიკისგან, - ამის შესახებ ხორავას ქუჩაზე მომხდარი მკვლელობის საქმეზე შექმნილი დროებითი საგამოძიებო კომისიის წევრმა, ანრი ოხანაშვილმა განაცხადა.
როგორც ის განმარტავს, „ევროპულ საქართველოს“ დასკვნის მოსამზადებლად დორის გახანგრძლივება შესთავაზეს, თუმცა, მათ იმის აღიარება, რომ ამ დროში მომზდებული დკოკუმენტის წარმოდგენა ვერ შეძლეს, არ სურდათ.
„ჩვენ ყოველთვის მოვუწოდებდით „ევროპულ საქართველოს“ რომ ამ დოკუმენტს არ უნდა ჰქონდეს პოლიტიკური ელფერი. ამიტომაც, ჩვენ მზად ვიყავით თანამშრომლობისთვის. თუმცა, ფაქტია, რომ ჩვენ დღესაც არ გვაქვს საბოლოო ვერსია დასკვნის, რაც „ევროპულ საქართველოს“ უნდა დაეწერა. ჩვენ გვქონდა წიანსწარი კონსულტაციები, რომ ჩვენც ჩავერთვებოდით ამ პროცესში. თუმცა, მათ გადაწყვიტეს, რომ სურდათ მათ დაემუშავებინათ ის. დღემდე საბოლოო რედაქტირებული ვერსია არ აქვთ, დღემდე არ მიგვიღია საბოლოო დოკუმენტი. დღესაც დაგვიდასტურეს კომისიის სხდომაზე, რომ ეს ვერსია, რომელიც ნახევრი საათის წინ მოგვცეს, კიდევ გადამუშავებას ექვემდებარება.
მათ სურდათ ვადის გახანგრძლივება, ჩვენ ვუთხარით, რომ ეს საკითხი დაეყენებინათ როგორც უმრავლესობას კომისიაში და ჩვენ ამ საკითხთან მიმართებაში გამოვიჩენდით მაღალ პოლიტიკურ პასუხისმგებლობას და დავეთანხმებოდით. თუმცა, მათ არ სრუდათ დაეფიქსირებინათ, რომ რეალურად ამ დროში მომზადებული დოკუმენტი ვერ წარმოადგინეს“, - აცხადებს ოხანაშვილი.
