მუშაობის გრაფიკი იქნება ფორსირებული, რადგან საკმაოდ ვრცელი დოკუმენტია წარმოდგენილი. სხდომები დაიწყება ხვალ და გაგრძელდება 5 სექტემბრამდე, - განაცხადა ხორავას ქუჩაზე მომხდარი მკვლელობის საქმეზე შექმნილი დროებითი საგამოძიებო კომისიის თავმჯდომარემ, სერგი კაპანაძემ.
მისივე განმარტებით, ხვალიდან კომისიის სხდომები საჯარო იქნება.
"5 სექტემბერს პროექტს ვუყრით კენჭს. ამის შემდეგ მომდევნო პლენარულ სხდომაზე მოხდება დასკვნის წარდგენა", - დასძინა კაპანაძემ.
დეპუტატის თქმით, „ევროპული საქართველოს" მიერ წარდგენილი პროექტი ეყრდნობა იმ ფაქტობრივ გარემოებებს, რომელიც გამოვლინდა კომისიის სხდომების და მასალების შესწავლის დროს.
