15-თვიანი პაუზის შემდეგ, გურჯაანის ყოვლადწმინდა ღვთისმშობლის მიძინების ორგუმბათიანი ტაძარი მრევლისთვის გაიხსნა. მარიამობის სადღესასწაულო ლოცვას გურჯაანი - ველისციხის ეპარქიის მღვდელმთავარი, მეუფე ექვთიმე აღავლენს.
შეგახსენებთ, რომ ტაძარი მრევლისთვის 2009 წლის მაისიდან დაკეტილი იყო. ეკლესიის დაზიანებული სახურავიდან აგურები ცვიოდა, რის გამოც, მეუფეს თქმით, მომლოცველების უსაფრთხოება დაცული არ იყო.
ტაძარში სარეაბილიტაციო სამუშაოები გუშინ დასრულდა. სარეაბილიტაციო სამუშაოები 2010 წლის აპრილში დაიწყო. პროექტი ბიუჯეტიდან 40 000 ლარით დაფინანსდა. სახურავი მთლიანად გამაგრდა.
გურჯაანის „ყველადწმინდა" მსოფლიოს მართლმადიდებლურ სამყაროში ერთადერთი მოქმედი ორგუმბათიანი ტაძარია. ეკლესია VIII-IX საუკუნეებშია აშენებული.
