უკრაინაში ქართველი ბიზნესმენის ვანო ჩხარტიშვილის შვილი ნათია ჩხარტიშვილი გაიტაცეს. უკრაინული მედიის ცნობით, ნათია ჩხარტიშვილი ბორისპოლის აეროპრტში უკრაინის უსაფრთხოების სამსახურისა და ტარიელ ვასაძის დაცვამ გაიტაცა.
ასევე, ცნობილი ხდება, რომ ნათია კიევი-თბილისის თვითმფრინავთან მაშინ გაიტაცეს, როდესაც იგი თავის საქმროსთან შიდა ქართლის პოლიციის ხელმძღვანელთან დავით ტაბუცაძესთან ერთად სხდებოდა.
გამოცემა ავრცელებს ინფორმაციას, რომლის მიხედვითაც ნათია ჩხარტიშვილის გატაცების ორგანიზატორია მისი მამა ვანო ჩხარტიშვილი, რომელიც ეწინააღმდეგება მისი შვილისა და დავით ტაბუცაძის დაქორწინებას.
წყვილი ოდესაში ისვენებდა, როდესაც მათ გაიგეს, რომ ვანო ჩხარტიშვილის "ხალხი" მათ ეძებდა. ისინი ოდესიდან ბორისპოლში გადმოფრინდენ, სადაც ტაბუცაძემ დახმარება უკრაინელ კოლეგებს სთხოვა, მაგრამ აეროპორტში ტარიელ ვასაძის (იულია ტიმოშენკოს ბლოკის წევრი) პირადმა დაცვამ და უკრაინის უსაფრთხოების თანამშრომლებმა მათ გასასვლელი ჩაუკეტეს.
როგორც ტაბუცაძე ამტკიცებს, უკრაინის უსაფრთხების სამსახურის უფროსმა, ვალერი ხოროშოვსკიმ დაურეკა ქვეყნის შს მინისტრს ანატოლი მოგილიევს, რათა მას ტაბუცაძის დასახმარებლად აეროპორტში მისული მილიცილეები უკან გაეწვია.
თვითმფრინავამდე მისასვლელ გზაზე უკრაინის უსაფრთხოების სამსახურის თანამშრომლებმა ნათია ჩხარტიშვილს წაართვეს პასპორტი და მისგან მისგან ერთ-ერთი გვერდი ამოხიეს. ნათია ჩხარტიშვილთან კონტაქტი ვერც უკრაინაში საქართველოს ელჩმა გრიგიოლ ქათამაძემ შეძლო. ნათია ჩხარტიშვილი ჯერ ტარიელ ვასაძის სახლში გადაიყვანეს ხოლო შემდგომ ლონდონში გაამგზავრეს, სადაც ამჟამად საქართველოს ექს პარლამენტის წევრი ვანო ჩხარტიშვილი ცხოვრობს.
