სმიტების ოჯახის 3 წევრის მკვლელობაში ბრალდებულის, 19 წლის მწყემსის, მალხაზ კობაურის საქმის პროკურორის, არჩილ ბედუკაძის განცხადებით, დაცვის მხარის მოთხოვნა, კობაურს აღკვეთის ღონისძიების სახით შეფარდებული პატიმრობა სხვა ღონისძიებით შეცვლოდა, უსაფუძვლოა.
"დაცვის მხარემ პროცესზე მოითხოვა, რომ გაუქმებულიყო მთლიანად შერჩეული აღმკვეთი ღონისძიების სახე. ჩვენი პოზიცია ითვალისწინებდა იმ აღმკვეთი ღონისძიების შენარჩუნებას, რაც შეფარდებული აქვს. არანაირი ახალი გარემოება არ არსებობდა იმისთვის, რომ პატიმრობა შეცვლილიყო. კობაურის მხრიდან არსებული საფრთხეები კი ძალაშია და მეტიც, მომატებულია. ამიტომ გადაწყვეტილება ძალაში დარჩა. არსებობს მიმალვის და მოწმეებზე ზემოქმედების საფრთხე და ასევე, ახალი გარემოებებიც", - აცხადებს ბედუკაძე.
შეგახსენებთ, რომ კობაური მცხეთის რაიონულმა სასამართლომ კლავ პატიმრობაში დატოვა.
7 ივლისს, ხადის ხეობაში საქართველოსა და აშშ-ის ორმაგი მოქალაქე ცოლ-ქმარი, რაიან სმიტი და მისი მეუღლე ლორა დაღუპული იპოვეს. მოგვიანებით იპოვეს მათი 4 წლის ბავშვის ცხედარიც.
აღნიშნული მკვლელობის საქმეზე 19 წლის მწყემსი, მალხაზ კობაური დააკავეს. მას აღკვეთის ღონისძიების სახით პატიმრობა შეეფარდა.
