გერმანიის კანცლერის ანგელა მერკელისა და ოპოზიციის წარმომადგენლებთან შეხვედრაზე გერმანიაში საქართველოს მოქალაქეების ლეგალური დასაქმების შესაძლელობაზე იყო საუბარი, - ამის შესახებ „ევროპული საქართველოს“ ერთ-ერთმა ლიდერმა დავით ბაქრაძემ განაცხადა.
პრეზიდენტობის კანდიდატის შეფასებით, შეხვედრა კარგი და გულწრფელი იყო.
„ჩემ მიერ დაყენებული ერთ-ერთი კონკრეტული თხოვნა იყო, მიეცეთ გერმანიაში მყოფ ქართველებს ლეგალურად, კანონიერად მუშაობის საშუალება. მისგან მივიღე დაპირება, რომ თანახმაა, დაიწყოს ამ თემაზე მუშაობა და გერმანიის მთავრობა შეიმუშავებს იმ პროფესიების სიას, სადაც ქართველებს მიეცემათ მუშაობის საშუალება. მინდა, მოვუწოდო ჩვენს ხელისუფლებას, გააკეთოს ყველაფერი, რომ კანცლერის დადებითი აზრი და მისი დაპირება გადაიზარდოს კონკრეტულ შედეგში. სანქციების შემოღება და ქართველების დასაქმება გერმანიაში არის ძალიან მნიშვნელოვანი ჩვენი ქვეყნისთვის, მოქალაქეებისთვის და ამიტომ მოვუწოდებ ხელისუფლებას, საგარეო საქმეთა სამინისტროს, საელჩოს, ყველაფერი გააკეთონ ამ შეთანხმების კონკრეტულად და პრაქტიკულად ცხოვრებაში გატარებისთვის“, – განაცხადა ბაქრაძემ.
