სომხეთის ყოფილი პრემიერ-მინისტრის გრანგ ბაგრატიანის განცხადებით, აზერბაიჯანის მიერ სამხრეთ-ჩრდილოეთის მაგისტრალის, საქართველოს ნაწილის შეძენამ შესაძლოა სომხეთს ავნოს.
სომეხი პოლიტიკოსი ვერ აკონკრეტებს თუ რა ზიანი შეუძლება მიადგეს სომხეთს თუ კი აზერბაიჯანი გაზსადენის აქციების მფლობელი გახდება, თუმცა ბაგრატიანი აცხადებს, რომ "ეს შესაძლოა არასასოამოვნო აღმოჩნდეს სომხეთისათვის".
"არ ვფიქრობ იმას, რომ ისინი გააკეთებენ რაც მოუნდებათ, მაგრამ თუ ომის დაწყებას გადაწყვეტენ 10 დღით ადრე გაზსადენზე სარემონტო სამუშაოებს დაიწყებენ, რათა ჩვენ გაზი ვერ მივიღოთ. ამიტომაც სომხურმა მხარემ- "არმროსგაზპრომმა", თავად უნდა იყიდოს აღნიშნული გაზსადენი"- მიაჩნია ბაგრატიანს.
შეგახსენებთ, რომ ქართულმა მხარემ ლონდონის ბირჟაზე მაგისტრალური გაზსადენის აქციათა განთავსება გადაწყვიტა. კანონმდებლობის თანახმად, ქართულმა მხარემ უფლება დაიტოვა, რომ აქციათა საკონტროლო პაკეტი თავად დარჩეს. თუმცა წინასწარი ინფორმაციით ლონდონის ბირჟაზე საქართველო აქციათა მხოილოდ 8-9 %-ის განთავსებას გეგმავს.