"დედაქალაქის ბიუჯეტი თბილისელების კეთილდღეობის ნაცვლად, ბუნდოვან, გაუგებარ პროექტებზეა გახარჯული. 2010 წლის დედაქალაქის ბიუჯეტის შემოსავლები და ხარჯები არაპროპორციულად იყო დაგეგმილი, რის შედეგადაც 6 თვეში მთელი ბიუჯეტის 70% უკვე გახარჯულია, აქედან ჯანდაცვაზე 13 მლნ. ლარი დაიხარჯა, რაც მთელი ხარჯების 3%-ს შეადგენს, სოციალურ დაცვაზე-73 მლნ, ანუ ხარჯების 16%, ხოლო განათლებაზე 21 მილიონი ლარი, რაც მთელი ხარჯების მხოლოდ 5% პროცენტით განისაზღვრა", - აღნიშნა აბაშიძემ.

მისივე თქმით, "ჩვენი საქართველო-თავისუფალი დემოკრატები" მოითხოვენ, ყველა ხარჯი ბოლომდე იქნას გაშიფრული, რათა თითოეული თბილისელი ბიუჯეტის ხარჯვის მიზნობრიობაში თავად დარწმუნდეს.

ამასთან, საკრებულოს თავმჯდომარის მოადგილე თბილისის მერიას სთავაზობს, 2011 წლის ბიუჯეტში ალასანიას ჯანდაცვის პროგრამა გამოიყენოს, რომელიც დეტალურადაა გაწერილი და მოსახლეობის კეთილდღეობაზეა ორიენტირებული.