ეკონომიკისა და მდგრადი განვითარების სამინისტროს ტურიზმისა და კურორტების დეპარტამენტის ორგანიზებით, თბილისი-თუშეთის მიმართულებით საჰაერო მიმოსვლა დაიწყო. ფრენები შესრულდება კვირაში ორჯერ (ორშაბათს და ხუთშაბათს) ნატახტარის აეროდრომიდან. ფრენის ღირებულება (ერთი გზა) 70 ლარია.
როგორც ტურიზმისა და კურორტების დეპარტამენტში აცხადებენ, ბოლო პერიოდში ძალიან დიდია ტურისტების აქტივობა თუშეთში, როგორც ადგილობრივი, ისე უცხოელი ტურისტების მხრიდან. სტატისტიკური მონაცემების თანახმად, მარტო საქართველოს მოსახლეობის დაახლოებით რვა პროცენტი გამოთქვამს სურვილს დაისვენოს თუშეთში.
შესაბამისად, სეზონური ფრენის დანიშვნა კიდევ უფრო გაზრდის თუშეთში ვიზიტორთა რაოდენობას, რაც მნიშვნელოვნად შეუწყობს ხელს რეგიონის სწრაფ ეკონომიკურ განვითარებას.