თბილისის მერის გიგი უგულავას განცხადებით, ხელისუფლება ყველაფერს გააკეთებს, რომ პურზე ფასი ძალიან არ გაიზარდოს.
ამის შესახებ დედაქალაქის მერმა ერთ-ერთ საცხობში სტუმრობისას განაცხადა.
მისი თქმით, მსოფლიოში ხორბლის ცუდი მოსავალი პურზე ფასების მომატებით აისახა და ეს მხოლოდ საქართველოს არ შეხებია.
"პურზე ფასების მატება ყველაზე მტკივნეულია პენსიონერებისთვის და დაბალი შემოსავლის მქონე ოჯახებისთვის. ამიტომ ჩვენი პირველი ამოცანაა შემოდგომისთვის ფასები დავიჭიროთ, რომ ხალხი ძალიან არ დაზარალდეს", - აღნიშნა უგულავამ.
