რუსეთის მონოპოლისტი კომპანია "გაზპრომი" 2012 წლისთვის ბუნებრივ აირზე ფასების ზრდას არ გამორიცხავს. ამ ფონზე გერმანიის კომპანიებმა უკვე განაცხადეს, რომ შემოდგომაზე, შესაძლოა გაზის ფასი გაიზარდოს.
გაზპრომის წარმომადგენლები აცხადებენ, რომ 2012 წლისთვის ფასების ზრდა ეტაპობრივად მოხდება და კრიზისამდელ პერიოდს მიაღწევს.
"2012 წლამდე ფასების დონე კრიზისამდელ პერიოდზე მიაღწევს", _ განაცხადა გაზპრომის ხელმძღვანელის მოადგილემ ალექსანდრ მედვედევმა.
გაზპრომის წარმომადგენელთა პროგნოზის გამართლების შემთხვევაში, გაზის ამჟამინდელი ღირებულება, სავარაუდოდ ორჯერ გაიზრდება.
გერმანიის გაზის მიმწოდებელი კომპანიები შემოდგომაზე ფასების 20%-ის ზრდას გეგმავენ. თუმცა როგი კომპანიები ფასების 6,7%-ით შემცირებას აპირებენ.
გაზპრომი ევროპას მოხმარებული გაზის მეოთხედს აწვდის. გერმანიაში კი რუსული გაზის მოხმარების მაჩვენებელი 30%-ია.
მედვედევის განცხადებით, კომპანია ევროპის ბაზარში წილის 30%-მდე გაზრდას გეგმავს.
უნდა აღინიშნოს, რომ გაზპრომს სერიოზულ კონკურენციას უწევს ნორვეგიული კომპანია შტატოილ-ი, რომელიც მზადაა შეღავათიან ფასში გაყიდოს ექსპორტირებული გაზის 30%.
