„ეზო არ დათვალიერდა, იქ მაცხოვრებლები არ დაუკითხავთ, საგამოძიებო ექსპერიმენტი არ განუხორციელებიათ. ეს ეზო, როგორც მეორადი შემთხვევის ადგილი მნიშვნელოვანია. ამასთან დაკავშირებით გაქვთ თუ არა ინფორმაცია? - აღნიშნული კითხვით, პარლამენტის დროებითი საგამოძიებო კომისიის წევრმა, ოთარ კახიძემ ყოფილ მთავარ პროკურორს, ირაკლი შოთაძეს მიმართა.
როგორც შოთაძემ განაცხადა, აღნიშნულთან დაკავშირებით, სასამართლოს გადაწყვეტილების შემდეგ გაიგო.
„ეს კონკრეტული ფაქტი ბოლო პერიოდში გახდა ცნობილი, ზუსტად ვერ ვიხსენებ, რომელ პერიოდში. სასამართლოს გადაწყვეტილების შემდეგ გახდა ცნობილი“, - განაცხადა შოთაძემ.
