დღეს დავინახეთ, რომ საქართველოს მოქმედ პრეზიდენტს, როგორც ჩანს არ აქვს გადაწყვეტილი პოლიტიკაში სურს მას დარჩენა, თუ სურს გაიწიოს გვერდზე პოლიტიკური თამაშიდან, - ამის შესახებ "ნაციონალური მოძრაობის" წევრმა სალომე სამადაშვილმა განაცხადა.
მისი თქმით, ერთადერთი ალტერნატივა ხელისუფლების მიერ დასახელებული კანდიდატის, მიუხედავად იმისა, ეს იქნება ე.წ. დამოუკიდებელი კანდიდატი თუ "ქართული ოცნების" პარტიის კანდიდატი, ეს არის გაერთიანებული ოპოზიციის მიერ დასახელებული კანდიდატი - გრიგოლ ვაშაძე.
„იმიტომ რომ ჩვენ დღეს დავინახეთ, რომ საქართველოს მოქმედ პრეზიდენტს, როგორც ჩანს არ აქვს გადაწყვეტილი პოლიტიკაში სურს მას დარჩენა, თუ სურს გაიწიოს გვერდზე პოლიტიკური თამაშიდან.
მე ვფიქრობ, რომ ეს მისი გადასაწყვეტია, მაგრამ ბატონ მარგველაშვილს უნდა ესმოდეს რომ პოლიტიკური პასუხისმგებლობა იმ ვითარებაზე, რომელიც დღეს არის ქვეყანაში შექმნილი, როდესაც ფაქტიურად არაფორმალური მმართველობის ქვეშ ერთი ადამიანის სათამაშოდ არის გადაქცეული საქართველოს მასაც ეკისრება, იმიტომ რომ მანაც მიიღო უშუალოდ ძალიან სერიოზული მონაწილეობა იმაში, რომ დღეს შექმნილიყო ქვეყანაში ის პოლიტიკური ვითარება რაც შეიქმნა“, - განაცხადა სამადაშვილმა.
