გალის რაიონის სოფელ რეფში მილიციის რაიონული განყოფილების საპასპორტო მაგიდის მმართველი როლანდ გვარამია გაიტაცეს.
"აპსნი პრესის" ინფორმაციით, გალის რაინის ე.წ. სამართალდამცველებმა გატაცების ფაქტზე სისხლის სამართლის საქმე უკვე აღძრეს.
გალის რაიონის ე.წ. მილიციის განყოფილების უფროსის, ვადიმ ღვინჯიას განცხადებით, 56 წლის როლანდ გვარამია დაუდგენელმა პირებმა გამოსასყიდის მიღების მიზნით 22 აგვისტოს, საღამოს გაიტაცეს. გამტაცებლები გვარამიას ოჯახს ტელეფონით დაუკავშირდნენ და 30 ათასი დოლარი მოითხოვეს.
