განსაკუთრებული აუცილებლობა თუ არ არის, ხეების ჭრაზე უნდა ვთქვათ უარი, - ამის შესახებ საპარლამენტო უმრავლესობის წევრმა დიმიტრი ცქიტიშვილმა განაცხადა.
მისი თქმით, ის ხე-ტყის იმპორტის დღგ-სგან გათავისუფლების შესახებ მამუკა ბახტაძის ინიციატივას მიესალმება.
„ხეების ჭრა განსაკუთრებული ყურადღების ქვეშ უნდა იყოს სახელმწიფოს მხრიდან და განსაკუთრებული აუცილებლობა თუ არ არის, ხეების ჭრაზე უნდა ვთქვათ უარი. პრემიერ-მინისტრის ძალიან კარგი ინიციატივაა, ხე-ტყის იმპორტის დღგ-სგან გათავისუფლება, ეს ძალიან მნიშვნელოვანია. ჩვენ ხელი უნდა შევუწყოთ იმას, რომ ხე-ტყე არ მოიჭრას“, – განაცხადა ცქიტიშვილმა.
