ხვალ, 24 აგვისტოს, 14:00 საათზე, გონიოს მუზეუმ-ნაკრძალში ახალი საექსპოზიციო სივრცე გაიხსნება.
როგორც "ჯი-ეიჩ-ენს" საქართველოს კულტურული მემკვიდრეობის დაცვის სააგენტოდან აცნობეს, გონიოს მუზეუმ-ნაკრძალში თანამედროვე სტანდარტებით აღჭურვილ საექსპოზიციო სივრცეში გონიოს მიმდებარე ტერიტორიაზე სხვადასხვა წლებში მოპოვებული მასალა გამოიფინება.
სააგენტოს ხელმძღვანელი ნიკოლოზ ვაჩეიშვილი პეტრას ციხის მუზეუმ-ნაკრძალის ინფრასტრუქტურის გაუმჯობესებულ პროექტის პრეზენტაციასაც გამართავს.
ღონისძიებას საქართველოს კულტურული მემკვიდრეობის დაცვის სააგენტოს ხელმძღვანელი ნიკოლოზ ვაჩეიშვილი და აჭარის ავტონომიური მთავრობის წარმომადგენლები დაესწრებიან.
