გასაკვირი არ არის, რომ ოპოზიცია მთავარი პროკურორის შერჩევას ბოიკოტს უცხადებს, - ამის შესახებ პარლამენტის ვიცე-სპიკერმა თამარ ჩუგოშვილმა ჟურნალისტებს განუაცხადა.
ჩუგოშვილი დარწმუნებულია, რომ შალვა თადუმაძე კარგი მთავარი პროკურორი იქნება.
„კონსულტაციები გავლილი იქნა როგორც სამოქალაქო საზოგადოებასთან, ასევე პროკურორებთან. გასაკვირი არ არის, ოპოზიცია მთავარი პროკურორის შერჩევას პროტესტს და ბოიკოტს რომ უცხადებს. ჩვენ მათი სურვილი ვნახეთ, რომ ოპოზიციის რიგებიდან მთავარი პროკურორი დასახელებული ყოფილიყო, რაც სწორი გადაწყვეტილება არ იქნებოდა. წლების განმავლობაში შალვა თადუმაძესთან მიმუშავია და ვიცნობ, როგორც პროფესიონალს და დარწმუნებული ვარ, რომ კარგი მთავარი პროკურორი იქნება”, – განაცხადა ჩუგოშვილმა.
ცნობისთვის, „ევროპულმა საქართველომ” დღეს მთავარი პროკურორის განხილვის პროცესში მონაწილეობა არ მიიღო.
