საქართველოს პრემიერ-მინისტრის, მამუკა ბახტაძის განცხადებით, მნიშვნელოვანია, შეიქმნას ისეთი სისტემა, სადაც სამხედრო სამსახურისთვის თავის არიდებას ადგილი არ ექნება.
როგორც ბახტაძემ ფრაქცია „საქართველოს პატრიოტებთან“ შეხვედრისას, სამხედრო სამსახურისთვის თავის არიდებასთან დაკავშირებით განაცხადა, ვიდრე გარკვეულ ადმინისტრაციულ ღონისძიებებზე ვიფიქრებთ, ჩვენ უნდა დაფიქრდეთ, ხომ არ ვებრძვით შედეგებს, რათა დავინახოთ, რა არის მიზეზი, რა უნდა იყოს იმაზე უფრო მნიშვნელოვანი და ფასეული, ვიდრე ემსახურო შენს ქვეყანას.
მისივე თქმით, ეს პრობლემა სისტემურია და ძალიან მნიშვნელოვანია, შეიქმნას ისეთი სისტემა, სადაც განათლება კულტურა, სპორტი და სხვა მიმართულებები აყალიბებს საზოგადოებაში ისეთ ფასეულობებს, სადაც მსგავს პრეცედენტებს ადგილი არ ექნება.
