შეწყალების კომისიამ პრეზიდენტის ავლაბრის რეზიდენციაში 230 პატიმრის საქმეს განიხილა. როგორც სხდომის დასრულების შემდეგ სახალხო დამცველმა გიორგი ტუღუშმა განაცხადა, კომისიამ 50 პატიმარს გაუწია რეკომენდაცია შეწყალებაზე, ხოლო 20-ზე მეტს პატირმარს სასჯელის განახევრებაზე.
"შეწყალების კომისიამ განიხილა ყველა საქმე, რომელიც არსებით განხილვას ექვემდებარებოდა. კომისიამ გაითვალისწაინა ყველა ის შემტხვევა, როდესაც პატიმრებს აღენიშნებოდათ ჯანმრთელობის მძიმე მდგომარეობა. ზოგოერთ მათგანს გათავისუფლების, ზოგს კი საჯელის განახევრების რეკომენდაცია გაეწია.
შესაწყებელი პატიმრების სია უახლოეს დღეებში პრეზიდენტს გადაეგზავნება და პრეზიდენტის აქტის საფუძველზე შეწყალებული მსჯავრდებულები საპატიმრო ადგილებს 28 აგვისტოს, მარიამობის დღესასწაულზე დატოვებენ.
12 არასრულწლოვანი პატიმრიდან, რომელთაც შეწყალებაზე ჰქონდათ განაცხადები წარდგენილი, კომისიის შემადგენლობის უმრავლესობამ მათ შეწყალებაზე უარი თქვა. არასრულწლოვანთა უმეტესობა მძიმე დანაშაულებისთვის იხდის სასჯელებს.
რაც შეეხება ქალებს, 17 ქალი პატიმრიდან შეწყალების რეკომენდაცია მხოლოდ ექვს მათგანზე გაიცა.
