Starbucks-ის პირველი ფილიალი „თბილისი მოლში“ გაიხსნება.
ამის შესახებ ინფორმაციას „ბიზნეს მედია-საქართველო“ ავრცელებს.
მათივე ინფორმაციით, ობიექტის „თბილისი მოლში“ გახსნასთან დაკავშირებით მოლაპარაკებები უკვე დასკვნით ეტაპზეა.
Starbucks-ის პირველი ფილიალის გახსნა შემოდგომაზე იგეგმება.
შეგახსენებთ, საქართველოში Starbucks-ი შემოდის.
კომპანია Shaya Turkey, რომელიც თურქეთსა და აზერბაიჯანში Starbucks-ის მუშაობას უზრუნველყოფს, საქართველოს წარმომადგენლობის მენეჯერს ეძებს.
შესაბამისი ვაკანსია ვებ-გვერდზე jobs.ge გამოქვეყნდა. დაინტერესებულ პირებს ვაკანსიაზე განაცხადის შეტანა 11 ივლისამდე შეუძლიათ.
