ეს აქცია არის მხარდამჭერიც და არის პოლიტიკურიც, - ამის შესახებ მოძრაობა „სახელმწიფო ხალხისთვის“ ლიდერმა ნიკოლოზ მაჭუტაძემ რუსთაველზე გამართულ აქციაზე, ჟურნალისტებს განუცხადა.
მისი თქმით, ყველა აქტიურობა საჯარო სივრცეში უკვე პოლიტიკაა.
„მოვედით, რათა სოლიდარობა გამოვუცხადოთ შვილმკვდარ ადამიანებს და დავგმოთ უსამართლობა. ბოლშევიზმი, რომელიც ადამიანებს ჩაგრავს და ემუქრება ტრაგედიებით, დამნაშავეებზე ხელის დაფარებით, უნდა დასრულდეს ყველგან. ჯერ კიდევ არისტოტელე იძახდა, ადამიანი პოლიტიკური ცხოველიაო, მისი ყველა აქტიურობა საჯარო სივრცეში არის უკვე პოლიტიკა და შესაბამისად, არ არსებობს პროცესი, რომელიც პოლიტიკას არ უკავშირდება, ეს აქცია არის მხარდამჭერიც და არის პოლიტიკურიც”, - განაცხადა ნიკოლოზ მაჭუტაძემ.
ცნობისთვის, თბილისში, რუსთაველის გამზირზე ზაზა სარალიძისა და მალხაზ მაჩალიკაშვილის მხარდამჭერი აქცია მიმდინარეობს.
