არც ერთი ადამიანი არ იქნება იმუნური ამ კომისიასთან დაკავშირებით, რომ ის ან არ მოვა, ან არ გამოვიძახებთ, - ამის შესახებ "ევროპული საქართველოს" წევრმა, საგამოძიებო კომისიის თავმჯდომარე სერგი კაპანაძემ განაცხადა.
მისი თქმით, ამ კონკრეტულ შემთხვევაში უაღრესად მნიშვნელოვანია თუ ვინ იქნება მთავარი პროკურორი.
"არც ერთი ადამიანი არ იქნება იმუნური ამ კომისიასთან დაკავშირებით, რომ ის ან არ მოვა, ან არ გამოვიძახებთ. ყველაფერი ძალიან მალე გამოჩნდება. თეა წულუკიანის გადადგომა და პოლიტიკური საკითხი ცალკე თემაა. ამაზე ევროპული საქართველოს პოზიცია ცნობილია, ჩვენ დიდი ხანია ვითხოვთ, რომ თეა წულუკიანი უნდა გადადგეს, მაგრამ ამ კონკრეტულ შემთხვევაში უაღრესად მნიშვნელოვანია თუ ვინ იქნება მთავარი პროკურორი. ყველას კარგად უნდა ესმოდეს, რომ ეს საქმე საბოლოო ჯამში უნდა მიიყვანოს პროკურატურამ და მთავარმა პროკურორმა. სწორედ ამიტომ წარმოვადგინეთ ჩვენ შალვა შავგულიძის კანდიდატურა, რომელსაც გამოცდილება აქვს და ზურგს უმაგრებს მსგავსი ტიპის საქმეებში მუშაობა", - განაცხადა სერგი კაპანაძემ.