„საქართველოს ახალგაზრდა იურისტთა ასოციაციის“ ხელმძღვანელი, სულხან სალაძე, მიიჩნევს, რომ საგამოძიებო კომისიაში მმართველი გუნდის უმრავლესობაში არყოფნა იძლევა იმის შესაძლებლობას, რომ უმცირესობამ, რომელიც კომისიაში უმრავლესობას წარმოადგენს, რეალურად განსაზღვროს, როგორც დღის წესრიგი, ასევე იმ პირთა წრე, ვისთანაც მათ ექნებათ გასაუბრება, ვისგანაც ისინი მოითხოვენ დამატებით ინფორმაციას.
ამის შესახებ განცხადება სულხან სალაძემ დღეს პარლამენტში კომისიის თავმჯდომარესთან შეხვედრამდე გააკეთა.
“ეს კრიტიკულად მნიშვნელოვანი ამ საქმისათვის, თუ კომისიასთან დაკავშირებით გაჩნდება რაიმე კიტხვები და ეჭვები, რომ კომისია არაეფექტურია, ცხადია, კომისიის ნებისმიერ წევრს ამაზე შეუძლია ღიად ისაუბროს და ეს უკვე შემდგომი დისკუსიის და განხივლის საგანია. თუმცა, ამ ეტაპზე ჩემი პირადი მოსაზრება და დამოკიდებულებაა, რომ კომისიამ აქტიურად უნდა იმუშაოს ყველა შესაძლო ვერსიაზე და იმ ყველა შესაძლო ინფორმაციაზე, რომელიც საზოგაოდებაში ამ საკითხთან დაკავშირებით არსებობს.” - სულხან სალაძე.
