არასამათავრობო ორგანიზაცია ადამიანის უფლებათა ცენტრის ხელმძღვანელი ალეკო ცქიტიშვილი მიიჩნევს, რომ პარლამენტის საგამოძიებო კომისიის მთავარი მიზანი უნდა იყოს, გამოვლინდნენ ხორავას ქუჩაზე მომხდარ მკვლელობაში დამნაშავე პირები, თუ კონკრეტულად ვინ ჩაიდინა მკვლელობა.
ამის შესახებ განცხადება ალეკო ცქიტიშვილმა დღეს პარლამენტში ჟურნალისტებთან გააკეთა. მისი თქმით, ასევე მნიშვნელოვანია რომ დადგეს იუსტიციის მინისტრის პოლიტიკური პასუხისმგებლობის საკითხი. ამასთან ის აღნიშნავს, რომ მისი არასამთავრობო ორგანიზაცია კომისიის მუშაობას მაქსიმალურად დაეხმარება და მასში უშუალოდ იქნება ჩართული, ორგანიზაციის იურისტი - ნესტან ლონდარიძე.
შეგახსენებთ, რომ დღეს კომისიის თავმჯდომარე არასამთავრობო ორგანიზაციის წარმომადგენლებს ხვდება. ხვალიდან კი კომისია ოფიციალურად დაიწყებს მუშაობას.