თეა წულუკიანის გადადგომის მოთხოვნას სერიოზულად არ ვუყურებ, რადგან ამ შემთხვევაში არ ვსაუბრობთ თეა წულუკიანზე, ვსაუბრობთ იმ დანაპირებზე, რაც პრემიერ-მინისტრმა გასცა, - ამის შესახებ საპარლამენტო უმრავლესობის წევრმა დავით მათიკაშვილმა განაცხადა.
მისი თქმით, პოლიტიკური ნება არსებობს, რომ ქვეყანას ძლიერი, პროფესიონალი და საზოგადოების ნდობით აღჭურვილი მთავარი პროკურორი ჰყავდეს.
„თეა წულუკიანის გადადგომის მოთხოვნას სერიოზულად არ ვუყურებ, რადგან ამ შემთხვევაში არ ვსაუბრობთ თეა წულუკიანზე, ვსაუბრობთ იმ დანაპირებზე, რაც პრემიერ-მინისტრმა გასცა. ღრმად მწამს, რომ ეს დანაპირები შესრულდება. საქართველოს მაღალი დონის პროფესიონალი მთავარი პროკურორი ეყოლება, რომელიც საზოგადოების მაღალი ნდობით ისარგებლებს, რაც არის მთავარი. პოლიტიკური ნება არსებობს, რომ ქვეყანას ძლიერი, პროფესიონალი და საზოგადოების ნდობით აღჭურვილი მთავარი პროკურორი ჰყავდეს. შესაბამისი რესურსიც არსებობს. აუცილებლად გვეყოლება მთავარი პროკურორი, რომელიც მასზე დაკისრებულ მოვალეობას წარმატებით გაართმევს თავს”, – განაცხადა მათიკაშვილმა.