პარლამენტის დროებითი საგამოძიებო კომისია ისეთი შემადგენლობით არის წარმოდგენილი, რომ საზოგადოებაში ნდობის გაჩენის ნაცვლად, უკურეაქციას გამოიწვევს, - ამის შესახებ უმრავლესობის დეპუტატმა დავით ჭიჭინაძემ პარლამენტის რიგგარეშე სხდომაზე განაცხადა.
მისი თქმით, კომისიის სიითი შემადგენლობა ძალიან ბევრ კითხვას იწვევს.
“კომისია უნდა შექმნილიყო იმისთვის, რომ ხალხში ნდობა გაზრდილიყო. კომისიის სიითი შემადგენლობა ძალიან ბევრ კითხვას იწვევს. სიაშია ადამიანი, რომელსაც მრავალი წლის განმავლობაში ვეძახით, რომ არის არჩევნების მთავარი გამყალბებელი. ასე სახელობითად რომ გავყვეთ, კომისიის ყველა წევრთან მიმართებაში ჩნდება კითხვები. არა მგონია ამ კომისიამ საზოგადოეობაში ნდობა დააბრუნოს“, - განაცხადა ჭიჭინაძემ პარლამენტის რიგგარეშე სხდომაზე.
ცნობისთვის, პარლამენტში ხორავას ქუჩაზე მომხდარი მკველელობის საქმეზე დროებითი საგამოძიებო კომისიის შექმნის საკითხის განხილვა მიმდინარეობს.