მე არ მაქვს უფლება და ფუფუნება, რომ მონაწილეობა მივიღო ფსიქოზში, რომელშიც მონაწილეობს ხალხი, ვინც ჩემს გადადგომას ითხოვს, – ამის შესახებ იუსტიციის მინისტრმა თეა წულუკიანმა ჟურნალისტებს მის გადადგომის მოთხოვნასთან დაკავშირებით განუცხადა.
მისი თქმით, მას აქვს პასუხისმგებლობები, რომლებიც ხან მძიმე, ხანაც ძალიან მძიმეა.
„მე მაქვს პასუხისმგებლობები, რომელიც ხან მძიმეა, ხან ძალიან მძიმე, მაგრამ მე მას ვზიდავ და რაც მთავარია, ვამბობ სიმართლეს, სიმართლეს, რადგან ვხედავდი და ვხედავ, როგორ მიმდინარეობს გამოძიება“, – განაცხადა თეა წულუკიანმა.
