თემქაზე 20 წლის გოგონას, ანა ნაცვლიშვილის მკვლელობაში ბრალდებული შეყვარებულის, ლადო გრიგალაშვილის ადვოკატის, ნაირა ოტიაშვილის განმარტებით, გოგონას სხეულზე 33 ჭრილობა სხვადასხვა საგნით აქვს მიყენებული. შესაბამისად, ის საქმეში სხვა პირების მონაწილეობას არ გამორიცხავს.
"ბრალის ფორმულირებაში გვაქვს ასეთი მოცემულობა, რომ 33 ჭრილობა დანის გამოყენებით არის განხორციელებული, მაგრამ ეს ასე არ არის. სხვადასხვა საგნით არის დაზიანებები მიყენებული. არ გამოვრიცხავ სხვა პირების მონაწილეობას, რადგან სხვადასხვა საგნებით არის დაზიანებები მიყენებული. სამი სახის ბლაგვი, მჭრელი, მჩხვლეტავი საგნებითაა ჭრილობა მიყენებული", - აცხადებს ოტიაშვილი.
მისი განმარტებით, ბრალდებული დუმილის უფლებას იყენებს, მაგრამ ეს იმას არ ნიშნავს, რომ ის სასმართლოში ჩვენებას არ მისცემს.
დღევანდელ სხდომაზე სასამართლო მტკიცებულებების დასაშვებობის საკითხს განიხილავს.
